Friday, June 8, 2007



Pata nahin koi jaadu tha woh !
ya bas kuch baadal thhe pighle...
ek chhatri k neechey
hum thhe, tum thhe
aadhey sukhe, aadhey geelay

Kitna kuch lekar hum thhe miley!
kuch uljhi si bhaavnayen
thodi si zidd
aur dher saare shikve giley....
lekin bas pal bhar mein
gira diye thhe tez hawa ne
shaakhon per jitne patte thhey peelay
ek chhatri k neechay
hum thhe, tum thhe
aadhey sukhe , aadhey geelay

Bheegay huey raaston pe haath pakad kar
hum hans rahe thhe apni nadani per
per kehte thhe palkon k baadal
abhi baras padenge ye nain nasheelay
har oar baras rahe thhe megh
aur baras raha thha neh
ek chhatri k neechey
hum thhe, tum thhe
aadhe sukhey , aadhe geelay

1 comment:

manjari said...

I still remember d story behind dis poem :).... i must say dat dis is one of d beautiful flower frm d bunch of ur poem...:)